Nan sakapa alah di ambiak urang
Nan sapinjiak tingga di awak
Walau di bulun sabalun kuku
Jikok di kambang saleba alam
Walau sagadang bijo labu
Bumi jo langik ado di dalam
Latiak - latiak tabang ka pinang
Singgah manyasok bungo rayo
Aie satitiak dalam pinang
Sinan bamain ikan rayo
Baburu babi ka batu balang
Mandapek buluh jo rotan
Guru mati kitab alah hilang
Sasek ka sia di tanyokan
Oi buyuang lakehlah gadang
Ka pambakik batang tarandam
Ka Paapuih malu di kaniang
Ka panunggu piutang lamo
Ka panapiak mato padang
Ka panantang matohari
Ka palawan dunia urang
Ka pandiri pusako lamo
Bilo kato lah di tanam di hati
Jalehlah sagalo rahasia alam
Jikok di ayun si tambo lamo
Sabarih indak buliah hilang
Satitiak bapantang lupo
Langganan:
Posting Komentar (Atom)
0 komentar:
Posting Komentar