Minangkabau alun punyo tradisi tulih-manulih sampai datang Islam.Untuak "marekam" parjalanan sejarah, niniak muyang kito mangambangkan tradisi lisan.Tradisi lisan tu balansuang dalam babarapo kagiatan atau wadah budaya:
1. Tradisi kaba, bakaba, sarato sagalo variasinyo, sarupo sijobang, dendang, rabab, salawat dulang, dll.
2. Tradisi pasambahan, panitahan, pidato adat, sarato sagalo variasinyo, nan taruih bajalan sapanjang zaman pado satiok upacara adat.
3. Tradisi maota di lapau nan masih balansuang;
4. Tradisi surau nan muloi pupuih.
Rekaman peristiwa sejarah sacaro lisan tu antaro lain barisi apo nan disabuik tambo.
Rekaman tu nan bapindah2 dari satiok anggota masyarakat Minangkabau dari generasi ka generasi, malalui kaampek jinih wadah budaya nantun.
Itulah tambo.Tambo ado 3 jinih nyo, ado tambo nagari, ado tambo alam, ado tambo adat. Tiok nagari di Minangkabau mampunyoi tambo.Tambo alam jo tambo adat bakulindan sacaro "masif" salamo ratusan tahun, barisi kisah/carito/riwayat tantang niniak muyang sakaligus pituah/padoman/aturan/undang-undang adat, pepatah/petitih, pituah/padoman hiduik, aturan/undang2 adat.
0 komentar:
Posting Komentar